اشعار مختارة

ابوسط كلبي كتبتك حتى ما انساك
ونقشت احروف اسمك جوه بعضامي.
وصرت بس أنت أشوفك يعني انته اوياي.
موجود ابيقضتي وحتى بحلامي.
عليك أعلن حرب لو مره عني أتغيب.
ومجرد بس أشوفك أعلن إسلامي.
وروحي تصير شمعه وسكته بيه أتذوب.
إذا فد يوم اجيت وصرت كدامي
******************************
مو عيب اليحب لا مو حرام الشوك
بس عيب وخزي لليوگــــف بدربه
گالولي ابتعد دربك تره مســـدود
بأسلاك وحواجز والطرق صعبــــه
گلت اعبر واجازف واليصير يصيـــر
اخسر دنيتي وما اخسر الصحبـه
انه معاشر وفي ماعاشرت بـذات
ذاك الينسحب من تخلص الرغبه
رادوني اعوفك گلت لا هيهــــــات
شلون يصير واحد يغدر بحبـــــــه
صرت سلاح بيدك والعدو مرعــوب
وانت سلاح اليه وراس للحربــــــه
لايهمك كلام الناس واليحجــــــون
خلها الناس تحجي ابعاد والگربــه
مجنونه الخلك يردوني انه انــساك
مايدرون گلبي ينبض بگلبـــــــــــه
*****************************
ينشدوني عليك شلون وضعه وياك …
واكلهم مو طبيعي اهواي داراني.
وتطردني من ادك بابك وأكل للناس
طار من الفرح لمن تلكاني .
اشطبتني من سجلك واني اكل للناس
شطبني من سجله للكلب وداني
…كالولي يكرهك كلت غلطانين
يكرهني بشقه وبصدك يهواني
كالوا شلع كلبك كلت يعني اصار
شكو بيه اذا محبوبي شاقاني
******************************
شجاك رحلت عني بساع ومشيت
حته بالجذب ماكلت راحل!
موحته السفينه كبل متروح
تصيح لناسها وتحضن الساحل !
وحته الشمس
… من تروح عالكيف
ماترحل غفل ترحل مراحل !
ومحطات الخلك تصعد قطارات
شجاك أول محطه وكلت نازل
*****************************
ليش اخسر دمع .. دمع العيون اعزاز
بجيت عليك دم وما بجت عينك
جميل وغرتك فترة كُبر عالناس
تدري بدنيتك من تصغر تهينك
كل عمري هدر كضيته آه و ويل
وانته بلا كدر عايش سنينك
شجاك تغيرت مو جنت خوش ا نسان
على غفله وتبدل زينك لشينك
ربيتك بديه وبعدك صغير
وهسه كَبال عيني تعده عشرينك
يل بس الك حبي وحبي مو بانصاف
بعدهه آثار شفتي مترسه جبينك
تالي على الظهر كومه سجانين
كل ظني العواذل ناويه تدينك
طريح ودورت مابين الجروح
لكيت اعظم جروحي بسبب سجينك

عاشت يدك اشعار جميلة جدا
واحب اكتب هذا الشعر الانسان ..........
اتبرة من كلبي اذا حن الهواك
واحرك عيوني اذا هم شافتك
واكطع اجدامي بطبر لو تمشي ليك
لان ترستني جروح بمحبتك
ياهوى ويا شوك جايني تنادي بيه
انتة شو كسر الخواطر مهنتك
اني مو متعافي من احجي عليك
جروحك البية ترة الي ذمتك
واني مو لعبة صبر صرت باديك
مثلك اني انسان هم من طيبتك
اني الغلطان بمحبتك شي اكيد
بس شسوي القسمة يمي ذبتك
ترخص بنفسك صرت لليجرحوك
وتجرح الناس الي هي حبتك
وشكرا....... :oops:

تقبل مروري اخوية الغالي

شكرا على هذا المرور الرائع اختي العزيزة
وصلت الفكرة هذا الشعر المن