مجموعة شعر اهدي لكل الاصدقاء

ولك مشتاك الك انه اعترف مشتاك
افكر بيك صدك عايش بحركــــــــــه
واذا واحد ذكر اسمك يهزني الشوك
واحس كل الخلايا بجسمي محتركه
بعدهه ايديه ترجف من يمر طاريك
وبعدهه الروح ضلت بيك متعلكه
***************************
شو محد اجاني ودك عليه الباب
ولا كلمة شلونك جتي من يمهم
شلون الكعده تكمل وانه ماموجود
معقوله الاحبهم صرت ماهمهم
يادنيا نسوني ونسو ذاك الطيب
......
...ولا جني هذاك الجان يحضنهم
لو بزاد اغصن والله اعوف الزاد
اكولن ربعي يمكن لكمه ماعدهم
يادنيا الاحبهم بيه كطعو ليش
وانه الماعندي كروه وجنت اواصلهم
طحت محد اجاني وكالي شمحتاج
مامحتاج بس محتاجه عيني اتشوف لمتهم
**********************************
حس مكسور ، كل ما بيه مكسور
وگزاز الروح مدري اشلون اطلعه ؟
شبّت الف جمره ابين الضلوع


وكل جمرة فلا تطفيها دمعه
اذا مكتوب اودعج آنه هاليوم ..
گلبي اوياج لازم هَم اودعه
محتاج اصدقائي او اهلي والناس
يواسوني عليچ او حزني اجرعه
بحصاد الزرع نخوه تفزع الناس
بحصاد الحزن هَم يراد فزعه
سعيت او خان بيه الحيل مرات
او هاي اربع اسنين او آنه اسعه
واعدتج اجيب الشمس الچ تاج
او صح تالي الوعد ما جبت شمعه
******************************
تنازلت وبعتني ليش وشلون
كلبك منكسر لمن بعتني
شلت اشهر حزنك بين العيون
وانت بشهر ما شلت حزني
صبرت انه وكلت دمعاتي تهون
ومن جيتك لكيتك فاركتني
شيفيد الدمع لو زخته عيون
وانت بعينك الصلفه تركتني
لتكول الزمن غدار ويخون
زمانك ماغدر وانت غدرتني
******************************
حبيتك بروحي وماحجيت وياك
لأن خفت من أكلك تبتعد عني
وضميتك بكلبي وما كلت للناس
ورضيت ابقى بعذابي ولوعتي وهمي
بس لشوكت اصبر والصبر محدود
وأنت بنضرتك يومية تكتلني
معروف اليحب بس الكلب ينطي
بس أنت شلع من عندي ماخذني
على جروح الكلب تتمشة من تفوت
ومن دمعات عيني جفوفك اتحني
...بعيونك سوالف بيها الف تفسير
وحرت يانضره منهن بيها تكصدني
أريد تحس عذابي ومثلي كون تعيش
ليش أني الوحيد الشوك ياكلني
وليش اني أنهضم وأتحمل اللوعات
وأنت بكل وكت مرتاح وتغني
اشوفك جوه أشايل من أهموم
لازم تستمعلي وتفتهم مني