بايع قلبه لناس مش ليه

بايع قلبه لناس مش ليه..................

بكل كلام الحب ناديتك واتمنيتك

تسكنى قلبى بكل ما فيه

تزرعى ورده تزرعى فرحه

تزرعى ضله تكون حواليه

تبقى الشمس اللى يعيش فيها

تبقى النور اللى بيحييه

تبقى مرايه لكل عيوبه

تبقى التوبه اللى تنجيه

تبقى فى عز الشده حنان

تبقى الحضن اللى يدفيه

تبقى فى عز الفرحه شريك

بيعيش فرحه ويفرح ليه

بس خساره تبدل حالك

بعد حنانك جُرتى عليه

بعد ما كنتى بتفرحى جنبه

أصبح فرحك ده مش ليه

بعد ماليه كان يفرح قلبك

بقى دلوقتى بيفرح فيه

لما اتشوفى الدمع ف عينه

يفرح قليك منه وفيه

لما اتشوفى الجرح ف قلبه

لما الحزن يأسر فيه

لما يحس بقلبك ظالم

حتى العطف خلاص مش فيه

لما يحس بأنك سامعه

وشيفه عزابه وباصه عليه

يبقى البدر اتحول عتمه

ولا ميت شمس تأسر فيه

ولا فيش شمعه تنور قلبه

ولا مليون نجم يكفيه

ولافيش كلمه هتحيي فؤاده

ولا مليون لحن يبكيه

ألف خساره على اللى عشقته

وعشت حياتى عشان أرضيه

أزرع ورد ف سكت قلبه

وكل حنانى منه وليه

وده من ظلمه بيخدع قلبى

وبايع قلبه لناس مش ليه

ناس مش عايزه تفرح قلبه

ناس بتفكر تقضى عليه

ناس بتقرب منه لفايده

راح تبقالهم من حواليه

وهوا خلاص معرفش يفرق

من اللى فى صفه واللى عليه

وراجع تانى يقول معلشى

هوّا أنا هقدر احن اليه

هّوا انا هقدر أراجع قلبى

فى اللى كسرنى وجرّح فيه

فى اللى عشقته بكل عواطفى

وإتعلمت أفكر فيه

وده بسهوله وكل بساطه

يجرح قلبى ويقسى عليه

******************* من كلمات محمد داؤدى