خطيبي وهزاره الثقيل؟؟

انا مخطوبة من 9 اشهر خلالهم خطيبي تفنن في حرقة اعصابي
مثلا يوم النتيجة بعته هو يشوفلي نتيجتي رجع و قعد يطبب عليا و يقولي معلش حبيبتي مش اول وحدة ترسبي و انا كنت هوقع من طولي و ابتديت اعيط و هو قاللي بهزر معاكي و انا خبطه قدام الجامعة كلها و هو هرب و بيضحك و بيقولي حبيت احسسك بقيمة النجاح و الناس كلها فاكرة الوقف ده و كام واحدة ماعرفهاش لما تشوفني تقلي خطيبك عامل ايه و انا اطنشهم و انا من جوايا بغلي عليه.
و فمرة انا كنت مشاركة فمسابقة فالتيليفون و صاحبه كلمني من نمرة غريبة بيقولي مبروك عليكي ربحتي معانا 10000 جنيه و انا كنت مبسوطة موت و كلمته و هو بيقولي عايزك تشتريلي هدية و رحنا مع بعض للعنوان اللي قالولي عليه طلع شغل صاحبه السخيف و هناك اداني ورقة مكتوب عليها 10000 جنيه و قالي مبروك عليكي الجايزة و قعدو يضحكو و انا اتنرفزت اوي و خيبة املي كانت لا توصف و قلتله مش هكلمك تاني و انا الغلطانة اللي بقولك على الحاجات اللي بعملها و هو قاللي ماتزعليش مني انتي فعلا ربحتي 10000 جنيه و عمل ايه هو كان واعدني بشبكة قيمتها 50000 قام اشترالي وحدة ب40000 و اداني 10000 قمت زعلت اكثر و رجعتله فلوسه و شبكته و قلتله تجيبلي الشبكة اللي وعدتني بيها و هو سمع الكلام عشان كانت اول مرة اخذ منه موقف جامد.
و مواقف كتيييرة تانية من قبل حتى ماننخطب و هو بيعمل كده بس دول اكتر مواقف حرقولي اعصابي انا زهقت من عمايله فيا و الله حرام اعصابي هتبوظ خايفة يفضل كده بعد الجواز .
انا عايزة اعرف اذا فيكم وحدة اتجوزت واحد من النوع ده و عامل ازاي بعد ماتجوزو .
على فكرة انا بحبه اوي و اهلي بيحبوه كمان عشان قدامهم يبقى عامل ملاك و عاقل بس من وراهم يقلب عيل مشاكس