شعر عراقي (اجمل كلام)

ذلتني المحبه ودم بجيت النوب
كرهت الدنيه كلهه شلون ذلتني

بجتني اعله حبك سهرتني الليل
وعينك هاي انت بغيض بجتني

ابد ما انسه جرحك وانه الك ممنون
... واطباعك تجارب كومه علمتني

بس اصبر علي لازم يجيلك يوم
وتضل تصرخ يناس النار جوتني





حبك جان صدفه وماخطر عالبال
حبيتـــك بسرعـة شلــون ما أدري
ومن كتلي أحبك مدري بيه شصار
ضليت آني صافــن حايـــر بأمـــري
ظل حجيك براسي وآنه أفكــر بيك

...كلت شلون أشيلك بعد من فكـري
وإنت العلمتني معنى كلمة شوگ
ياروحـي وحيـــاتي ويابعــد عمــري
وحبيتــــك وكتـــلك والله ما أنســاك
شلون أنساك وإنت الگلب البصدري



تريد تـــــروح الله ويـــــاك محروس
بعد مااريـــــــــــــــد اكلك ابقى خليك
عشت عمري اعله مودك مخلص وياك
تاليها بغـــــــــدر جازيتني شبيك
لاتكلي احــــــــــبك مكدر انســـاك
...
...هذا انت اشوفـــــــــك كلشي مابيك
احـــــسن جنت مـر بحلك ملكاك
واشوفــــــك من تصد ومااحاجيك
صح العمر اصعب يخلص ابلياك
وصحيح انــــــــــي اموتن مـــن ألكيك
بس صعبه اعيش ويـــــــــاك وجهين
وانهي كـــــــــل حياتي بحزن تاليك
راح انساك لازم وانسي ذكراك
يمـــضيع اســــنيني الله لاينطيك





تفارگنه برغم ماردنه الفــــــــراك
وكلمن اخذ جرحه وذكرياتــــــه
وصار الليل كلش مو حلـــو الليل
بعد ماجان وياك شحــــــــــلاته
شنسه وذكريات هواي ويــــاك
وشگول لگلبي المضحي بحياته
جنت منين ما ابــــــــاوع محبين
هسه منين ماباوع شماتــــــــه





ذا كلشي انتهى وبابك يظل مسدود
حتى أمشي وبعد ما أوكف ابابك
وأذا زعلان مني اسمحلي أحجي وياك
خل أسمع كلامك وافهم اعتابك
مو بس أنته تزعل آني هم زعلان
انتظرتك حيل بس الشوك ماجابك
موهينه علي تبعد واظل مجروح
ولا هينه أزعلك وأحرك اعصابك
بس الصار غلطه واني مو معصوم
حبيبي بوجهي اكلك لاتسد بابك
وأذا ناويها تبعد وتنسى كل الجان
ماجبرك ترد وأنته لك أسبابك




مــو بيــدي العشــگ يســري بحنايـــا الــروح
و مـــن شفتـــك حبيـــب الـــروح سميتــــــك..

حسيتــــــك قريـــب واغلــــــى كـــل النـــاس
و لا چنـــك غريــــــب و هســــــه لاگيتــــــك..

و مـــو سكتـــه و دفـــن حبيتـــك و خجـــلان
كــــــــــــل النـــاس تـــدري بيـــوم حبيتـــك..

بـــس تبقـــى لغـــز مـــا تنكشـــف للغيـــر
يروحــــــي بــــــروح روح الــــــروح ضميتـــك..

ضميتــــــك و اغــــار مـــن الهـــوا يحاچيــــــك
ومـــن گـــد مـــا غـــرت مـــا يـــوم حاچيتـــك..!!

يـــا نسمـــة هـــوى شمدرينـــي راح اهـــواك
گلـــت مثـــل الهـــوى و مـــا ادرري شميتـــك..

مـــن ذاك الوكـــت مـــا غبـــت عـــن البــــــال
الگـــب بسمـــك تسجـــل و انحســـب بيتـــك






بالك عالوهم تبنيلك أنت أمال
خايف تنصدم من تصحه عالواقع
أرضه أبحالتك وأتقبل المقسوم
ولا تبقى أعله غيرك عينك اتباوع
ولتگول أني وضعي فرق عن الغير
وصير بهذا وضعك قابل وقانع
لان تتعب ابعمرك لا تظن ترتاح
وتالي أتشوف نفسك حاير وضايع
مو حسبالك أنت الناس متساوين
وكلمن تشتكيله الشكوتك سامع
اكو واحد تشوفه أيعجبك امن أبعيد
ومن يحچي أبكلامه أمهذب ورائع
واكو واحد قريب وما تود ملگاه
ومتحس الگلب لمحبته أيطاوع
مو كلشي التريده عالمرام أيكون
دنيا وتلگه بيهه الضار والنافع
ظل صاحب كرامه ولا تطخ الراس
ـالحد الموت حد ما روحك أتنازع
وكتك ماله صحبه ولا تأمن بي
كل يوم أبشكل تلگاه إلك طالع
من توگع أبشده نادر ابهل يوم
تلگه إلي يجي وعن حگگ أيدافع
حتى التشتريه ابروحك وتفديه
على غفله الودادك بالرخص بايع
صير أبدنيتك صاحب مهابه وزود
وأتحده الزمن لتصير اله راكع
حرامات العمر تگضيه بس أوهام
والي يروح منّه إلك ما راجع

عاشت الايادي


والله موضوع رائع وكلامات جميله



:oops: :oops: :oops: :oops: :oops: :oops: :oops: :oops: